Alba Nogueira (Vilagarcía de Arousa, 1996), actriz e creadora escénica graduada en Interpretación Textual pola ESAD de Galicia (2018) e no Máster de Dirección e Xestión de Industrias Culturais e Creativas (2024).

​​

Inicio o meu traxecto profesional como actriz na peza Reino da Extinción da compañía Amorodio Teatro (2021-22). Posteriormente, fun recoñecida no FIOT de Carballo pola peza ACTRIZ, CHORA, cocreada en Cacharela Teatro, co Premio do Público á Mellor Interpretación. Dende 2023, formo parte do elenco da peza Arte sen Guión da compañía Galeatro.

 

Para manterme en activo, continúo a miña formación teatral e audiovisual. Paralelamente, desenvolvo o meu proxecto musical como A Riso, do que son compositora e cantante. Ademais, compaxino a miña actividade artística coa presentación de eventos, impartindo formación teatral así como formando parte de proxectos de xestión cultural da man de LAbA Servizos Culturais.